Reformatorischer Bildersturm

Dr reformatorischi Bildersturm isch e Fenomeen vo dr Reformazioon im 16. Joorhundert gsi. Gmäld, Skulpture, Chillefänster und anderi Bildwärk mit Daarstellige vom Christus und vo de Häilige und andere Schmuck − zum Däil au d Orgle − si us de Chille entfärnt worde. Das isch mänggisch wie zum Bischbil z Baasel vo Volksmasse gmacht worde, mänggisch häi s aber au Reformatore oder die wältligi Oobrikäit veraalasst. D Bildwärk und Schmuckgegeständ het mä zum Däil verchauft oder Brivatpersoone überloo. Vil isch aber vernichdet oder beschäädigt worde.^[1]

Bilderstürm het s echli in Stedt und Dörfer in ganz Öiropa gee, vor allem in dr Schwiz und em Häilige Römische Riich (1522–1566), Schottland (1559) und de Burgundische Niiderland (1566) mit spöötere Uslöifer bis in dr Änglisch Bürgerchrieg (1642–1649).

1. ↑ In Chille wie dr Arbogastchille z Muttez si d Freske vilmol nume übermoolt worde und im 20. Joorhundert het mä sä do und dört afo restauriere.